سارة نخلة تتصدر تريند جوجل بعد تصريحاتها عن شيرين ونانسي عجرم
03:17 م السبت 15 أكتوبر 2022 كتبت- بهيرة فودة: تصدر اسم الفنانة سارة نخلة، تريند مؤشر البحث "جوجل" بعد تصريحاتها الأخيرة عن الفنانة شيرين عبدالوهاب والفنانة نانسي عجرم ببرنامج "نص الكلام" المذاع عبر قناة "النهار". وقالت سارة نخلة ردًا على الأخبار التي تم تداولها قبل عدة أشهر، وتشير إلى أنها هاجمت المطربة شيرين عبدالوهاب في منشور لها، اضطرت لحذفه بعد انتقاد الجمهور لها: "خالص مستخدمتش كلمة مقرفة دي خالص.. علاقتي بفيسبوك الحاجات اللي بتضحك بعيد نشرها، وكان فيه بوست فعلا مكتوب مكانش حفلة كانت المشاكل طازة، كانوا حاطين صور لأكتر من ست بتشقى وكاتبين سبتوا كل الستات دي ومركزين في حياة شيرين، وأنا دايما بقول لأي بنت متطلعيش بحبيبك السما عشان هترجعي على مفيش، وشيرين وقتها كان عندها أفورة في الحب وقت أغنية (حبه جنة) كان فيه حب ونحنحة، نشرت البوست ده وحطيت أغنية (حبه جنة) وكان ستوري مش فيسبوك". وتابعت: "أنا ضد أي حاجة تحصل معاها وأنا بحبها ونفسي تبقى كويسة". وردًا على خبر جاء عنوانه "سارة نخلة تتطاول على نانسي عجرم وزوجها وتورط جورج وسوف"، وأنها هاجمت الفنانة اللبنانية وزوجها بعد جريمة القتل التي وقعت في فيلتها لشاب سوري، قالت سارة "كنت أول واحدة اتكلمت في الموضوع عشان استخدام مصطلح إن الولد سوري، لو أنا في بيتي ودخل عليا حرامي، هو حرامي مش كل شوية في كل خبر وكل كلمة المجرم السوري، وكتبت تحليل كبير عريض لإني مبعرفش اسكت". وأضافت "كل اللي قلته إن الراجل ده متقتلش في الفيلا، منطقيا واحد هيتضرب 11 رصاصة المفروض دمه يكون سايح مكانش فيه ولا نقطة دم، قلت اتقتل برا الفيلا واتحط جواها، وده مش معناه اني متعاطفة معاه، لو كان قاتل أو مجرم أنا ضد ده تماما، لكن 11 رصاصة بتعبر عن إيه (انتقام على طول)". وكان منزل المطربة اللبنانية بمنطقة نيو سهيلة بجبل لبنان، قد تعرض لسطو من قبل أحد الملثمين في 5 يناير 2020، وتم قتله، وشغلت القضية الرأي العام طوال الفترة الماضية.
#سارة #نخلة #تتصدر #تريند #جوجل #بعد #تصريحاتها #عن #شيرين #ونانسي #عجرم
